GST guide
Online store ka GST invoice — seedhi baat
Online bechne ka sabse boring aur sabse zaroori hissa: har order ka sahi GST bill. Galat bill ka matlab hai saal ke end mein CA ke saath sar-dard, aur kabhi-kabhi notice. Yahan wo sab hai jo aapke invoice par hona chahiye.
CGST + SGST ya IGST — kaunsa lagega?
Yeh sirf ek baat par depend karta hai: aapka registered state aur customer ka delivery state same hai ya nahi.
| Order | Kya lagta hai | Udaharan (5% GST, ₹1,000 ka item) |
|---|---|---|
| Same state (Maharashtra → Maharashtra) | CGST + SGST, aadha-aadha | CGST ₹25 + SGST ₹25 |
| Doosra state (Maharashtra → MP) | IGST, poora | IGST ₹50 |
| Export | Zero-rated (conditions ke saath) | ₹0, LUT ke through |
ModakByte yeh khud decide karta hai — customer ka delivery pin-code dekh kar invoice par sahi split lagta hai. Aapko kuch choose nahi karna padta.
Tax invoice par kya-kya hona chahiye
- Aapka business naam, address aur GSTIN
- Invoice number — ek continuous series, financial year ke hisaab se, gaps ke bina
- Invoice ki date
- Customer ka naam aur address (aur GSTIN, agar B2B hai)
- Har item ka HSN code
- Taxable value, tax rate, aur CGST/SGST/IGST ka amount alag-alag
- Total, aur place of supply
Invoice number series ka dhyan rakhein. GST rules ke hisaab se number continuous hone chahiye — beech mein gap ya duplicate audit mein sawaal khada karta hai. ModakByte har order ke liye series apne aap badhata hai.
HSN code kitne digit ka?
Aapke pichle saal ke turnover par depend karta hai. Chhote sellers ke liye aam taur par 4 digit kaafi hota hai aur bade turnover par 6 digit chahiye hota hai — apne CA se apne exact slab ke liye confirm kar lena, kyunki threshold time-time par badalte rehte hain. Kuch aam categories:
| Product | HSN (aam taur par) |
|---|---|
| Cotton kurta / readymade garments | 6206 / 6106 |
| Imitation jewellery | 7117 |
| Masale (spices) | 0904–0910 |
| Handbags / leather goods | 4202 |
| Cosmetics / skincare | 3304 |
Yeh sirf shuruaat ke liye hai — aapke exact product ka HSN aur rate aapka CA confirm karega. ModakByte mein aap har product par HSN set karte ho, aur wo har invoice par apne aap chala jaata hai.
COD orders ka GST
GST tab lagta hai jab supply hoti hai — payment kab aayi isse farak nahi padta. Matlab COD order ka bhi invoice dispatch ke waqt hi banega, chahe paisa 3 din baad mile. Isliye COD-heavy business mein invoice ka apne aap banna aur bhi zaroori hai.
Sawaal-jawaab
Does ModakByte generate GST invoices automatically?
Yes. Every order produces a tax invoice with CGST and SGST split for in-state orders, IGST for inter-state orders, the HSN code on each line, your GSTIN and a continuous invoice number series — emailed to the customer automatically.
Kya online bechne ke liye GST registration zaroori hai?
Apne turnover aur state ke threshold par depend karta hai, aur marketplaces par bechne ke rules alag hote hain apne khud ke store se bechne ke mukable. Yeh legal advice nahi hai — apne CA se confirm karein, kyunki thresholds aur rules badalte rehte hain.
CGST aur SGST mein kya farak hai?
Same-state order par total GST do hisson mein bat-ta hai — aadha central government (CGST) ko, aadha state (SGST) ko. Doosre state ke order par ek hi IGST lagta hai, poora amount.
Shopify par GST invoice kaise banta hai?
Shopify mein India ka GST invoicing built-in nahi hai — sellers aam taur par ek paid app lagate hain (₹300–500/mahina). ModakByte mein yeh platform ka hissa hai, ₹999 wale plan ke andar.
Apni dukaan ₹999 mein shuru karo
Poora saal, 0% commission. UPI + COD, GST invoice, WhatsApp orders, courier tracking — sab shaamil.
WhatsApp par baat karo →